30 chanzuns in vallader, cumponüdas da Nina Mayer, dechantan las quatter stagiuns, raquintan dal Niculaus e Nadal, da la famiglia ed amis, da bes-chas e natüra, da laders divertents e chars monsters. Las cumposiziuns cordialas ed umoristicas sun adattadas per uffants da 2 fin 10 ons sun visiblas in fuorma da notas cun text e simbols d’accords. Las melodias ed ils accords notats vegnan imbellits d'illustraziuns da Mira Luisa Mayer plain culur, uschè cha uffants han sgüra plaschair. I'l cudesch as chatta duos discs cumpacts cun arrandschamaints plain schlantsch e ritem da Mischa Weiss e Nina Mayer. Sün ün DC sun da dudir las melodias chantadas e sül oter sun las versiuns da "karaoke". Ils discs cumpacts sun prodüts e registrats da Mischa Weiss.